पिककर्जासाठी अडवणूक करणाऱ्या व अवाजावी कागदपत्रे          घेणाऱ्या बँकेवर गुन्हे दाखल करा – कलंबरकर 

ठळक घडामोडी नांदेड जिल्हा मुखेड
मुखेड  :  पवन  क्यादरकुंटे 
     बँका कर्ज माफ झालेल्या शेतकऱ्यांना नवीन कर्ज देत नसून कर्जासाठी गरज नसतांना पिककर्जासाठी अडवणूक करून  व अवाजावी कागदपत्रे बँका घेत असून अशा बँकांवर गुन्हे दाखल करण्याची मागणी रयत क्रांतीचे जिल्हाध्यक्ष शिवशंकर पाटील कलंबरकर व कृषी परिषदेचे तालुकाध्यक्ष बालाजी पाटील लखमापूरकर यांनी उपविभागीय  अधिकारी  शक्ती  कदम यांच्याकडे दि ०२ रोजी केली आहे.
            बँका शेतकऱ्यांना तीन बॉण्ड नॉटरी सहित, कर्ज न देणाऱ्या बँकांचा नोडुज,भूमिअभिलेख कार्यालयाचा टोच नकाशा,सत्तर वर्ष वय असेल तर कर्ज देणार नाही या अटी पिककर्जासाठी नसतांना बँका शेतकऱ्यांना याची मागणी करत असून यामुळे अनेक  शेतकरी कर्जपासून वंचित राहत आहेत .
         सरकार पिककर्जासाठी अडवणूक करणाऱ्या बँकेवर गुन्हे दाखल करा म्हणून आदेश देत असताना प्रशासनाने  बघ्याची  भूमिका न घेता शेकऱ्यावर अन्यायकारक आदेश काढणाऱ्या  बँकेवर गुन्हा  दाखल करून  शेतकऱ्यांची  होणारी हेळसांड  थांबवावी  असे  नमूद  करण्यात आले आहे .

        उपविभागीय अधिकारी यांनी बँकेचे हे  प्रकरण तात्काळ निकाली काढण्यासाठी सर्व
 बँक शाखाधिकाऱ्यांची बैठक घेऊन आदेश देणार म्हटल्याचे कलंबरकर यांनी गाववालाशी  बोलताना सांगितले .